Jinsi ya Kusikiliza Muziki YouTube Huku Kioo Kimezimwa (Background Play) Ili Kuokoa Chaji na Data!

 Habari Mkuu wa 246 Online!

Kuna kero kama hii: Unataka kusikiliza "Mix ya Amapiano" ya lisaa limoja YouTube ukiwa umeweka simu mfukoni au ukiwa unachat na mshkaji WhatsApp.

Lakini ukibonyeza tu kitufe cha "Home" au ukizima kioo cha simu, muziki unakata! 😤 Lazima uache kioo kiwake muda wote, kitu ambacho kinanyonya betri kama ruba na kumaliza MB zako kwa kuonyesha video ambayo hata huiangalii.

Unatamani YouTube iwe kama Music Player, sindio?

Leo 246 Online tunakupa ujanja wa "Browser Trick". Hatutumii App ya YouTube, tunatumia njia ya panya ambayo itakuruhusu kusikiliza YouTube kama Radio, huku simu ikiwa mfukoni au ukiwa unafanya mambo mengine.

Okoa bando, furahia muziki... 🎧🔥

HATUA YA 1: Sahau App ya YouTube (Kwa Muda)

Usifungue ile App nyekundu ya YouTube. Badala yake, fungua Google Chrome au Browser yoyote uliyonayo (Firefox/Opera).

HATUA YA 2: Badili Muonekano (Desktop Site)

Hapa ndipo ujanja ulipo.

1. Kwenye hiyo Chrome, andika youtube.com.
2. Ikifunguka, bonyeza vile vitone vitatu vya menu ya Chrome (juu kulia).
3. Tafuta kiboksi kimeandikwa "Desktop site" au "Desktop version". Weka tiki ✅.
4. Muonekano wa YouTube utabadilika na kuwa mdogo kama unavyoonekana kwenye Kompyuta.

HATUA YA 3: Tafuta Muziki na Play

1. Search wimbo au mix unayotaka kusikiliza.
2. Bonyeza Play.
3. Video ikianza kucheza, bonyeza kitufe cha HOME kwenye simu yako (Kutoka nje ya Chrome).
4. Muziki Utakata. (Usipaniki! Hii ni kawaida).

HATUA YA 4: Washa Tena Kwa Njia ya Mkato

Sasa fanya hivi:

1. Shusha pazia la juu la simu yako (Notification Bar).
2. Utaona kuna "Player" ya Chrome imekaa pale na jina la ule wimbo.
3. Bonyeza kitufe cha PLAY (Pembetatu ndogo ▶️).
4. BOOM! Muziki utaanza kulia tena!

Sasa unaweza kuzima kioo cha simu (Lock Screen) na kuweka simu mfukoni, au unaweza kufungua WhatsApp na kuchat huku Diamond Platnumz akiimba kwa nyuma.

NJIA MBADALA: Kwa Wale Wenye Pesa ya Mawazo (Brave Browser)

Kama njia ya Chrome inakusumbua, kuna njia rahisi zaidi:

1. Ingia Play Store, pakua app inaitwa "Brave Browser".
2. Ndani ya Brave, nenda Settings > Media > Washa "Background Play".
3. Ukitumia Brave kufungua YouTube, muziki hautakati hata uzime simu, na uzuri wa Brave ni kwamba INAZUIA MATANGAZO (ADS) yote ya YouTube! Ni kama YouTube Premium ya bure.

HITIMISHO

Kwa nini uumize macho na kumaliza chaji kuangalia video ya dakika 40 wakati unahitaji sauti tu? Tumia njia hii ufurahie maisha.

Hii ni nzuri sana kwa wale wanaopenda kusikiliza hotuba, podcast, au mix ndefu za DJ.

Share maujanja haya na washkaji, waache kulalamika chanji na bando  linaisha!

👉 USIPITWE: [Simu Imeingia Maji? Usitumie mchele, tumia hii sauti maalum kutoa maji kwenye spika chap!]