Kwenye Part 1 tuliona Vivo ikirusha ndege (Drone) angani. Kwenye Part 2 tuliona Tesla ikivuta network ya Satelaiti. Kwenye Part 3 tukaona ALO ikirusha picha hewani (Hologram).

Lakini, simu zote hizo tatu, ziwe za ajabu kiasi gani, zina tatizo moja sugu linalofanana na simu uliyonayo mkononi sasa hivi: ZINAISHA CHAJI.

Leo 246 Online Site, tunafunga mjadala. Tumechimba mpaka kiini cha dunia ya sayansi na kuibuka na kitu ambacho mabwenyenye wa makampuni ya umeme hawataki ukijue mapema. Tunakuletea "THE ATOMIC PHONE".

Hii siyo hadithi za kufikirika (Science Fiction) kama zile nyingine. Hii inatumia teknolojia ambayo imeshatangazwa rasmi kufanya kazi mwaka huu na kampuni ya kiteknolojia kutoka China inayoitwa Betavolt Technology.

Bye Bye Power Bank, Bye Bye Tanesco!

Hebu vuta picha hii; Unaenda dukani leo (tuseme mwaka 2026), unanunua smartphone mpya. Unaitumia kupiga picha za 4K, kuingia TikTok, kucheza magemu mazito usiku na mchana, halafu unakuja kuanza kuitafutia charger mwaka 2076.

Ndiyo, umesoma vizuri. Miaka 50 bila kuchomeka ukutani.

Teknolojia hii inaitwa Atomic Energy Battery (Betri ya Nishati ya Atomiki). Kimsingi, simu yako inakuwa na "Kinu kidogo cha Nyuklia" ndani yake kinachozalisha umeme wake chenyewe bila kikomo.

Hii Kitu Inafanyaje Kazi? (Sayansi ya Kitaa)

Ukisikia neno "Nyuklia" usikimbie ukidhani simu italipuka mkononi kama bomu la Hiroshima. Hapana. Hii ni teknolojia tofauti na salama.

Wataalamu wa Betavolt wametumia mbinu ya kijanja sana:

1. Isotopi za Nickel-63: Wamechukua isotopu (aina ya atomi) za Nickel-63 ambazo zinatoa nishati zinapozidi kupungua nguvu (decaying). Hapo watu wa Chemistry na Physics.
2. Semikondakta ya Almasi: Nishati hiyo inanaswa na tabaka maalum la Almasi (Diamond semiconductor) ambalo linaigeuza kuwa umeme safi.

Kwa lugha rahisi: Ni kama kuwa na jenereta ndogo sana ndani ya simu yako inayotumia "mafuta ya atomiki" ambayo hayaishi kwa nusu karne.

Kwa Nini Huu ni Unyama?

Huu ndio mwisho wa matatizo yote ya simu janja. Makampuni kama Apple na Samsung yamekuwa yakituuzia simu zinazokaa na chaji saa 12 tu, na kila mwaka wanakurusho betri iwe kubwa zaidi. Atomic Phone inakuja kukomboa mwanadamu.

Sifa zake zinatisha:

• Chaji ya Milele: Hakuna kununua waya za USB, hakuna kubeba Power Bank nzito kama tofali.
• Usalama: Tofauti na betri za Lithium tunazotumia sasa ambazo zinaweza kulipuka zikipata joto kali, betri ya atomiki hailipuki wala kushika moto hata ukiichoma kisu au kupiga risasi.
• Hali ya Hewa: Inafanya kazi hata kukiwa na baridi kali ya kugandisha (-60°C) au joto la jangwani (120°C).

Je, Hii Simu Ipo?

Habari njema ni kwamba teknolojia ya betri yenyewe (inayoitwa BV100) tayari ipo na imeshaingia hatua ya majaribio (pilot stage).
Check maelezo yao (bofya hii link chini)

https://www.independent.co.uk/tech/nuclear-battery-betavolt-atomic-iphone-b2476979.html

Kampuni ya Betavolt imetangaza rasmi kuwa inapania kuweka betri hizi kwenye Simu (Smartphones), Drones (zinazokaa angani milele), na vifaa vya matibabu hivi karibuni.

Neno la Mwisho

Dunia inabadilika kwa kasi ya ajabu. Kutoka Vivo ya Drone, Tesla ya Satellite, ALO ya Hologram, na sasa tumefika kileleni kwenye Simu ya Nyuklia.

Swali la kizushi: Ukipewa simu inayokaa na chaji miaka 50, kitu gani cha kwanza utafanya nayo ambacho ulikuwa huwezi kukifanya sasa kwa kuogopa kuishiwa chaji?

Dondosha maoni yako hapo chini!

ZILIZOPITA KWENYE MFULULIZO HUU:
👉 [SOMA PART 1: Vivo yenye Drone HAPA]
👉 [SOMA PART 2: Tesla Model Pi HAPA]
👉 [SOMA PART 3: ALO Simu ya Hologram HAPA]